Ne atusseun ua tutakanit
Tshetshi mishituepanitakaniti tipatshimuna 10 000 etatupipunemakaki, Charles-Api Bellefleur utatanukana
Atanukana Innuat nenua utshiashi-tipatshimunnuaua mak utatanukannuaua, Innuat Ushkat ute ka taht anite uinuau eshinniuht utassiuau, anite Nitassinan, Tshiuetinit, Saguenay, Lac-Saint-Jean mak anite Akamissi-assit eshpishanit.
Ekute tekuannit Innuat tshitshue uenutishiunnuau kie kanuenitamuat pet tatutshishemitashumitannu tshissenitamunnu, apu tshi minu-uitakanit ishpish mishta-uenutitshimakannit. Nenua tshiashi-tipatshimuna ka pet assiut uetshipanit, ka pet tat innu ute assit nukuan anite kie ne ka ishpish pet minu-tshitapatakanit shash pet tatutshishemitashumitannuepipuna.
Atanutakan Tshakapesh (napeu tipishkau-pishimut ka tat) eukuan ne tshitshue tshipa nishtuapatakanu anite innua eshinniuniti. E ashu-uitakanit anite innu utassit, mitshetuait ishi-tipatshimunanu nenua eishinakuanniti utinniunnuau uetshenat nishu ka tipatshimakaniht anite atanukanit.
Passe nenua innu-tipatshimuna eukuannua umenua ushkat uatakaniti tshetshi takuak matinueun, uauitshitun, tshetshi uin ushkat peiku-pimutaitishut auen, auen eka tshekuannu iapatenitak, auen eka tshekuannu aieshkushiuinikut, eshi-tapishinnanut. Nenua tipatshimuna tshikaienitakuana auen ua apashtat tshetshi nishtutak e taiaku anite inniun patshitshipanit. Eukuana ka shutshishimakaki atusseuakana tshetshi ashu-patshitinakaniti mak tshetshi tshishkutamatshenanut.
Kaiatanutshesht Charles-Api Bellefleur eukuan mashten eshkupanit kuenuenitak Innu-aimunnu Nutshimit uetshipannit, innu-aimun uetshipannit anite utassit, tshiashi-aimun ume e uitakanit innu utaimun. Uetitshipanit tshetshi tshinipinanut tshetshi tshishpeuatakanit ne aimun mak nenua tipatshimuna e ashu-uitamatunanut, nitshissenitenan meshta-apatannit tshimushuminanapanat eshku kuenuenitahk tshiashi-tshissenitamunnu. Uemut takuan tshetshi ashu-minakaniht aianishkat auassat.
Charles-Api Bellefleur
Tshiuetinit Unaman-shipiunnu, Charles-Api Bellefleur eukuan ka kanuenitamuat utinnima utatanukannua. Ka pimutat pet utaitunnuau, ka mishta-itenitakushit napeu ka tshishpeuatak utaitun, mak innu-aimunnu, utaimun, tipatshimu utaimun e apashtat ka mishta-minutakuannit mak mitshetuait ka ishinakuannit.
Iapit tauapekaitshesht kashishipassipatakannit mak utamueu teueikana, teueikan ka tshitimauenitamaht mak ka ishpitenimaht innuat. Tipatshimu anite ishpitenitamunit, tekuannit etamatshiut mak ashineunnu kuenuenimikut miam tepatshimuti nenua innua mak aueshisha kassinu tshekuannu miatinumituniti, ashit ne e uitakanit ka mishkatenitakuannit innu upuamun. Minunakuannu eshi-nukutat utatusseun mishue assit kie anu kataku, eukuan ka uitshiuet aianishkat auassa ka nanatuapamitishuniti innu tshetshi ishi-uinitishuniti.
Pipun 2021, minuatshimakanipan anite Maître de traditions vivantes (Utshimau eshku ka inniuimakannit eshinniut), atusseun mishue Kanata-assi Kaussei Uepishtikueiau-assit innu-tipenitamun enniuimakak tshetshi nishtuapamakaniht tipan ka ishi-pikutaht utatusseunnuau, napeuat kie ishkueuat ka mishta-akuatenitakushiht menu-kanuenitahk kie ma ka ashu-patshitinakanit aianishkat kie aianishkat.
Uetshenat uanakaniht
Katipatshimusht : Charles-Api Bellefleur
Ka tutak tshekuannu e natshishkuat auennua : Shikuan Vollant
Katakuaitshesht Akunakana : Elie-John Joseph
Ka tshitapatak eshi-petakuannit : Kim Fontaine
Ka uauetashuapatak tshe aitinannut : Jani Bellefleur-Kaltush
Kauauitshiaushit – katshi tutakannit tshekuannu : Jean-Sébastien Létourneau
Kauauitshiaushit ka uauetashuapatakannit : Anne-Claire St-Onge
Kaiashu—uitamatsheshiht : Louise Canapé, Hélène St-Onge, Sylvie Basile, Evangeline Canapé, Sabine Mestokosho, Kathy Moreau-Lacasse, Georges Awad, Philomène Jourdain
Uetshenat ka tutahk : Kim O’Bomsawin, Alexandre Bacon, Andrée-Anne Frenette
Kauauitshiaushiht : Ariane Alain, Kim Arseneault, Elie-John Joseph, Nadia Koromyslova, Florence Jarry
Kaimitunanut : Andréanne O’Bomsawin
Nashkumakanu : Studio Makusham
TSHITSHUE NESHKUMAKANIT : Charles-Api Bellefleur mak iapit tshitshue neshkumakaniht innuat Uashat mak Mani-utenam
Kassinu atanukana ashu-pimipanitakanipani 2023 etashtet pipun.
Nitatusseshtenan tshetshi mishta-minuati nenua atanukana. Takuaki tshekuan miam e ashushtakaniti kie ma meshinataikaniti, ute mashinaimunana : info@nikanheritage.com